Sigþór Geitungabani...

Eiginmaðurinn var að slá garðinn okkar í dag þegar illskeyttur geitungur stakk hann í handarbakið! Kom hann (Sigþór) inn allur lurkum laminn að eigin sögn! Muldraði mikið um hversu þetta hefði verið vont og hvursu hann dauðkenndi til! Hringdi í Jóa bró og sagði honum fréttirnar, tengdó og Krissa droppuðu inn í ástandið og fengu fréttirnar beint í æð og fengu meira að segja að sjá stunguna!

 En nú var mínum nóg boðið, hann klæddist mótorhjólagallanum og var með flugnanet á höfði og réðist til atlögu. Hann fór og tók bensín á brúsa, bleytti handklæði í bensínu og kveikti í. Svo var handklæðinu skutlað inn í holubú geitungsins og allt saman brennt til kaldra kola. Kústskaft var svo notað til að ýta handklæðinu lengra inn í holuna. Sissi geitungabani og Viktor Breki stóðu svo sigri hrósandi álengdar og fylgdust með búinu brenna til kaldra kola! OHHHHH, hann er hetjan mín, þessi elskulegi eiginmaður. Nú er kannski smuga að fara út á pall og fá næði fyrir geitungum...ssssssssssss.

Athugasemdir

[Sesselja Fjóla Þorsteinsdóttir, 27.7.2008 kl. 21:20]

Vá.  Eitt slíkt bú nýfarið af pallinum mínum.

[Solveig Friðriksdóttir, 28.7.2008 kl. 15:53]

Og úr bílskúrshurðinni minni :), nú hef ég enga afsökun lengur fyrir að sækja ekki garðáhöldin