Dagurinn í dag!

7.15. Ræs. útbúinn morgunmatur fyrir miðjubarnið og litli kútur fékk sér líka Weetos með ískaldri mjólk. Tekin til samloka í nesti og unglingurinn kvaddur bless í skólann.

Litastund hjá hinum mæðginunum fram að níu og þá brunað með yngsta soninn í leikskólann.

Fimm tilraunir gerðar til að komast heim í bílastæðið, en alltaf stoppaði bíldruslan spóladi fyrir framan nærsta hús... Á endanum gafst ég upp og lagði bílnum bara í nærsta bílastæði og hringdi svo í nágranann og útskýrði málið. Helvítis druslan hreinlega dreif ekki upp brekkuna.

Ég fékk að sjálfsögðu að geyma nýju Toytuna mína í nágrana stæðinu.

Þá hnoðaði ég í þrjár smákökuuppskriftir og fór svo aðeins að pakka inn jólagjöfum. Síðan fór ég í ræktina mína og hljóp í rúman hálftíma og lyfti lóðum. Engin vinna í dag svo ég fór heim í bað og hélt svo áfram með smákökurnar.

Náði í litla guttann um eitt og hann kom með mér heim og hjálpaði mér að hnoða í fiskibollur...

Hrikalega er ég dugleg!! Fórum svo út í jólamyndatöku hjá Agnesi Klöru. Eftir myndatökuna var jólaföndur á leikskólanum og fórum við að sjálfsögðu þangað.

Þegar heim var komið, setti ég súkkulaði á 254 endapunkta, steikti 122 fiskibollur og baðaði minnstamann og hjálpaði unglingnum að læra...

Þetta er daguinn minn í dag.. Ég er núna Drullusibbin, en á eftir að fara í bað og ætla svo að setja á mig maska og chilla svo fyrir framan imbann.. Enda svo kveldið á að lesa í Vetrarborginni eftir Arnald vin minn.